יְשַׁעְיָהוּ ל״ח:ט״ו-כ״ב

ט״ו

מה אדבר ואמר לי והוא עשה אדדה כל שנותי על מר נפשי׃

ט״ז

אדני עליהם יחיו ולכל בהן חיי רוחי ותחלימני והחיני׃

י״ז

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

י״ח

כי לא שאול תודך מות יהללך לא ישברו יורדי בור אל אמתך׃

י״ט

חי חי הוא יודך כמוני היום אב לבנים יודיע אל אמתך׃

כ׳

יהוה להושיעני ונגנותי ננגן כל ימי חיינו על בית יהוה׃

כ״א

ויאמר ישעיהו ישאו דבלת תאנים וימרחו על השחין ויחי׃

כ״ב

ויאמר חזקיהו מה אות כי אעלה בית יהוה׃

נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל