מלכות הצדק

יְשַׁעְיָהוּ ל״ב:א׳-ח׳

א׳

¶ הן לצדק ימלך מלך ולשרים למשפט ישרו׃

ב׳

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

ג׳

ולא תשעינה עיני ראים ואזני שמעים תקשבנה׃

ד׳

ולבב נמהרים יבין לדעת ולשון עלגים תמהר לדבר צחות׃

ה׳

לא יקרא עוד לנבל נדיב ולכילי לא יאמר שוע׃

ו׳

כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

ז׳

וכלי כליו רעים הוא זמות יעץ לחבל ענוים באמרי שקר ובדבר אביון משפט׃

ח׳

ונדיב נדיבות יעץ והוא על נדיבות יקום׃