TRV
יְשַׁעְיָהוּ ג׳:ח׳-ט״ו
ח׳
כי כשלה ירושלם ויהודה נפל כי לשונם ומעלליהם אל יהוה למרות עני כבודו׃
ט׳
הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃
י׳
אמרו צדיק כי טוב כי פרי מעלליהם יאכלו׃
י״א
אוי לרשע רע כי גמול ידיו יעשה לו׃
י״ב
עמי נגשיו מעולל ונשים משלו בו עמי מאשריך מתעים ודרך ארחתיך בלעו׃
י״ג
נצב לריב יהוה ועמד לדין עמים׃
י״ד
יהוה במשפט יבוא עם זקני עמו ושריו ואתם בערתם הכרם גזלת העני בבתיכם׃
ט״ו
מלכם תדכאו עמי ופני עניים תטחנו נאם אדני יהוה צבאות׃
Settings