הכרזת המשפט נגד מנהיגי ישראל

הוֹשֵׁעַ ה׳:א׳-ז׳

א׳

¶ שמעו זאת הכהנים והקשיבו בית ישראל ובית המלך האזינו כי לכם המשפט כי פח הייתם למצפה ורשת פרושה על תבור׃

ב׳

ושחטה שטים העמיקו ואני מוסר לכלם׃

ג׳

אני ידעתי אפרים וישראל לא נכחד ממני כי עתה הזנית אפרים נטמא ישראל׃

ד׳

לא יתנו מעלליהם לשוב אל אלהיהם כי רוח זנונים בקרבם ואת יהוה לא ידעו׃

ה׳

וענה גאון ישראל בפניו וישראל ואפרים יכשלו בעונם כשל גם יהודה עמם׃

ו׳

בצאנם ובבקרם ילכו לבקש את יהוה ולא ימצאו חלץ מהם׃

ז׳

ביהוה בגדו כי בנים זרים ילדו עתה יאכלם חדש את חלקיהם׃