אזהרה מפני הקשיית הלב

ז׳

לכן כמאמר רוח הקדש היום אם בקלו תשמעו׃

ח׳

אל תקשו לבבכם כמריבה כיום מסה במדבר׃

ט׳

אשר נסוני אבותיכם בחנוני גם ראו פעלי ארבעים שנה׃

י׳

לכן אקוט בדור ואמר עם תעי לבב הם והם לא ידעו דרכי׃

י״א

אשר נשבעתי באפי אם יבאון אל מנוחתי׃

י״ב

ראו עתה אחי פן יש באחד מכם לב רע וחסר אמונה לסור מאלהים חיים׃

י״ג

אך הוכח תוכיחו איש את רעהו יום יום עד שיקרא היום למען אשר לא יקשה איש מכם את לבו במדוחי פשע׃

י״ד

כי נתחברנו למשיח אם נחזיק בראשית הבטחה ולא נרפנה עד הקץ׃

ט״ו

כאשר נאמר היום אם בקלו תשמעו אל תקשו לבבכם כמריבה׃

ט״ז

מי אפוא אלה אשר שמעו ויריבו הלא כל יצאי מצרים ביד משה׃

י״ז

ובמי התקוטט ארבעים שנה הלא בחטאים אשר נפלו פגריהם במדבר׃

י״ח

ולמי נשבע לבלתי בא אל מנוחתו אם לא לסוררים׃