בְּרֵאשִׁית ל״ח:ו׳-י״א

ו׳

ויקח יהודה אשה לער בכורו ושמה תמר׃

ז׳

ויהי ער בכור יהודה רע בעיני יהוה וימתהו יהוה׃

ח׳

ויאמר יהודה לאונן בא אל אשת אחיך ויבם אתה והקם זרע לאחיך׃

ט׳

וידע אונן כי לא לו יהיה הזרע והיה אם בא אל אשת אחיו ושחת ארצה לבלתי נתן זרע לאחיו׃

י׳

וירע בעיני יהוה אשר עשה וימת גם אתו׃

י״א

ויאמר יהודה לתמר כלתו שבי אלמנה בית אביך עד יגדל שלה בני כי אמר פן ימות גם הוא כאחיו ותלך תמר ותשב בית אביה׃