בְּרֵאשִׁית ל׳:כ״ה-ל׳

כ״ה

ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃

כ״ו

תנה את נשי ואת ילדי אשר עבדתי אתך בהן ואלכה כי אתה ידעת את עבדתי אשר עבדתיך׃

כ״ז

ויאמר אליו לבן אם נא מצאתי חן בעיניך נחשתי ויברכני יהוה בגללך׃

כ״ח

ויאמר נקבה שכרך עלי ואתנה׃

כ״ט

ויאמר אליו אתה ידעת את אשר עבדתיך ואת אשר היה מקנך אתי׃

ל׳

כי מעט אשר היה לך לפני ויפרץ לרב ויברך יהוה אתך לרגלי ועתה מתי אעשה גם אנכי לביתי׃