ברית עם אבימלך

בְּרֵאשִׁית כ״ו:כ״ח-ל״ג

כ״ח

ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך׃

כ״ט

אם תעשה עמנו רעה כאשר לא נגענוך וכאשר עשינו עמך רק טוב ונשלחך בשלום אתה עתה ברוך יהוה׃

ל׳

ויעש להם משתה ויאכלו וישתו׃

ל״א

וישכימו בבקר וישבעו איש לאחיו וישלחם יצחק וילכו מאתו בשלום׃

ל״ב

ויהי ביום ההוא ויבאו עבדי יצחק ויגדו לו על אדות הבאר אשר חפרו ויאמרו לו מצאנו מים׃

ל״ג

ויקרא אתה שבעה על כן שם העיר באר שבע עד היום הזה׃