בְּרֵאשִׁית כ״ה:כ״ה-ל׳

כ״ה

ויצא הראשון אדמוני כלו כאדרת שער ויקראו שמו עשו׃

כ״ו

ואחרי כן יצא אחיו וידו אחזת בעקב עשו ויקרא שמו יעקב ויצחק בן ששים שנה בלדת אתם׃

כ״ז

ויגדלו הנערים ויהי עשו איש ידע ציד איש שדה ויעקב איש תם ישב אהלים׃

כ״ח

ויאהב יצחק את עשו כי ציד בפיו ורבקה אהבת את יעקב׃

כ״ט

ויזד יעקב נזיד ויבא עשו מן השדה והוא עיף׃

ל׳

ויאמר עשו אל יעקב הלעיטני נא מן האדם האדם הזה כי עיף אנכי על כן קרא שמו אדום׃