חורבן ערי הכיכר

בְּרֵאשִׁית י״ט:כ״ד-כ״ט

כ״ד

ויהוה המטיר על סדם ועל עמרה גפרית ואש מאת יהוה מן השמים׃

כ״ה

ויהפך את הערים האל ואת כל הככר ואת כל ישבי הערים וצמח האדמה׃

כ״ו

ותבט אשתו מאחריו ותהי נציב מלח׃

כ״ז

וישכם אברהם בבקר אל המקום אשר עמד שם את פני יהוה׃

כ״ח

וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃

כ״ט

ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט׃