קריאתו של יחזקאל

יְחֶזְקֵאל ב׳:א׳-ז׳

א׳

¶ ויאמר אלי בן אדם עמד על רגליך ואדבר אתך׃

ב׳

ותבא בי רוח כאשר דבר אלי ותעמדני על רגלי ואשמע את מדבר אלי׃

ג׳

ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃

ד׳

והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃

ה׳

והמה אם ישמעו ואם יחדלו כי בית מרי המה וידעו כי נביא היה בתוכם׃

ו׳

ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה׃

ז׳

ודברת את דברי אליהם אם ישמעו ואם יחדלו כי מרי המה׃