שְׁמֹות ל״ח:א׳-ח׳

א׳

¶ ויעש את מזבח העלה עצי שטים חמש אמות ארכו וחמש אמות רחבו רבוע ושלש אמות קמתו׃

ב׳

ויעש קרנתיו על ארבע פנתיו ממנו היו קרנתיו ויצף אתו נחשת׃

ג׳

ויעש את כל כלי המזבח את הסירת ואת היעים ואת המזרקת את המזלגת ואת המחתת כל כליו עשה נחשת׃

ד׳

ויעש למזבח מכבר מעשה רשת נחשת תחת כרכבו מלמטה עד חציו׃

ה׳

ויצק ארבע טבעת בארבע הקצות למכבר הנחשת בתים לבדים׃

ו׳

ויעש את הבדים עצי שטים ויצף אתם נחשת׃

ז׳

ויבא את הבדים בטבעת על צלעת המזבח לשאת אתו בהם נבוב לחת עשה אתו׃

ח׳

ויעש את הכיור נחשת ואת כנו נחשת במראת הצבאת אשר צבאו פתח אהל מועד׃