שְׁמֹות ט״ז:כ״ד-ל׳

כ״ד

ויניחו אתו עד הבקר כאשר צוה משה ולא הבאיש ורמה לא היתה בו׃

כ״ה

ויאמר משה אכלהו היום כי שבת היום ליהוה היום לא תמצאהו בשדה׃

כ״ו

ששת ימים תלקטהו וביום השביעי שבת לא יהיה בו׃

כ״ז

ויהי ביום השביעי יצאו מן העם ללקט ולא מצאו׃

כ״ח

ויאמר יהוה אל משה עד אנה מאנתם לשמר מצותי ותורתי׃

כ״ט

ראו כי יהוה נתן לכם השבת על כן הוא נתן לכם ביום הששי לחם יומים שבו איש תחתיו אל יצא איש ממקמו ביום השביעי׃

ל׳

וישבתו העם ביום השבעי׃