המן ומוסד השבת

שְׁמֹות ט״ז:כ״ב-ל׳

כ״ב

ויהי ביום הששי לקטו לחם משנה שני העמר לאחד ויבאו כל נשיאי העדה ויגידו למשה׃

כ״ג

ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃

כ״ד

ויניחו אתו עד הבקר כאשר צוה משה ולא הבאיש ורמה לא היתה בו׃

כ״ה

ויאמר משה אכלהו היום כי שבת היום ליהוה היום לא תמצאהו בשדה׃

כ״ו

ששת ימים תלקטהו וביום השביעי שבת לא יהיה בו׃

כ״ז

ויהי ביום השביעי יצאו מן העם ללקט ולא מצאו׃

כ״ח

ויאמר יהוה אל משה עד אנה מאנתם לשמר מצותי ותורתי׃

כ״ט

ראו כי יהוה נתן לכם השבת על כן הוא נתן לכם ביום הששי לחם יומים שבו איש תחתיו אל יצא איש ממקמו ביום השביעי׃