שְׁמֹות י״ב:כ״ג-כ״ח

כ״ג

ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף׃

כ״ד

ושמרתם את הדבר הזה לחק לך ולבניך עד עולם׃

כ״ה

והיה כי תבאו אל הארץ אשר יתן יהוה לכם כאשר דבר ושמרתם את העבדה הזאת׃

כ״ו

והיה כי יאמרו אליכם בניכם מה העבדה הזאת לכם׃

כ״ז

ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו׃

כ״ח

וילכו ויעשו בני ישראל כאשר צוה יהוה את משה ואהרן כן עשו׃