אִגֶּרֶת פּוֹלוֹס הַשָּׁלִיחַ אֶל־הָאֶפְסִיִּים ה׳:ג׳-כ׳ (Hebrew)

ג׳

אבל זנות וכל טמאה ואהבת בצע בל יזכר ביניכם כאשר נאוה לקדשים׃

ד׳

גם לא נבול פה ודברי סכלות ולעג אשר לא כהגן כי אם קול תודה׃

ה׳

כי זאת ידע תדעו כי כל זנה וטמא ואהב בצע שהוא עבד אלילים אין לו חלק ונחלה במלכות המשיח והאלהים׃

ו׳

אל ישיא איש אתכם בדברי ריק כי בגלל אלה חרון אלהים בא על בני המרי׃

ז׳

על כן אל יהי חלקכם עמהם׃

ח׳

כי מלפנים הייתם חשך ועתה הנכם אור באדנינו התהלכו נא כבני אור׃

ט׳

כי פרי הרוח כל מעשי חסד וצדק ואמת׃

י׳

ובחנו מה הוא רצוי בעיני אדנינו׃

י״א

ואל תשתתפו עם מעשי החשך אשר לא יעשו פרי כי אם הוכח תוכיחו אותם׃

י״ב

כי מה שהם עשים בסתר חרפה היא אך לספר׃

י״ג

אבל כל זאת יגלה כשיוכח על ידי האור כי כל הנגלה אור הוא׃

י״ד

על כן הוא אומר עורה הישן וקומה מן המתים ויאר לך המשיח׃

ט״ו

ועתה ראו והזהרו להתהלך לא ככסילים כי אם כחכמים׃

ט״ז

מוקירים העת כי הימים רעים המה׃

י״ז

על כן אל תהיו חסרי דעת כי אם מבינים לדעת מה הוא רצון אדנינו׃

י״ח

ואל תשתכרו מיין המביא לידי פריצות כי אם המלאו ברוח׃

י״ט

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃

כ׳

והודו בכל עת על הכל לאלהים אבינו בשם אדנינו ישוע המשיח׃

אִגֶּרֶת פּוֹלוֹס הַשָּׁלִיחַ אֶל־הָאֶפְסִיִּים ה׳:ג׳-כ׳