דָּנִיֵּאל א׳:י״א-ט״ז

י״א

ויאמר דניאל אל המלצר אשר מנה שר הסריסים על דניאל חנניה מישאל ועזריה׃

י״ב

נס נא את עבדיך ימים עשרה ויתנו לנו מן הזרעים ונאכלה ומים ונשתה׃

י״ג

ויראו לפניך מראינו ומראה הילדים האכלים את פתבג המלך וכאשר תראה עשה עם עבדיך׃

י״ד

וישמע להם לדבר הזה וינסם ימים עשרה׃

ט״ו

ומקצת ימים עשרה נראה מראיהם טוב ובריאי בשר מן כל הילדים האכלים את פתבג המלך׃

ט״ז

ויהי המלצר נשא את פתבגם ויין משתיהם ונתן להם זרענים׃