הארון מוחזר; דוד נכנע

2 שְׁמוּאֵל ט״ו:כ״ד-ל׳

כ״ד

והנה גם צדוק וכל הלוים אתו נשאים את ארון ברית האלהים ויצקו את ארון האלהים ויעל אביתר עד תם כל העם לעבור מן העיר׃

כ״ה

ויאמר המלך לצדוק השב את ארון האלהים העיר אם אמצא חן בעיני יהוה והשבני והראני אתו ואת נוהו׃

כ״ו

ואם כה יאמר לא חפצתי בך הנני יעשה לי כאשר טוב בעיניו׃

כ״ז

ויאמר המלך אל צדוק הכהן הרואה אתה שבה העיר בשלום ואחימעץ בנך ויהונתן בן אביתר שני בניכם אתכם׃

כ״ח

ראו אנכי מתמהמה בעברות המדבר עד בוא דבר מעמכם להגיד לי׃

כ״ט

וישב צדוק ואביתר את ארון האלהים ירושלם וישבו שם׃

ל׳

ודוד עלה במעלה הזיתים עלה ובוכה וראש לו חפוי והוא הלך יחף וכל העם אשר אתו חפו איש ראשו ועלו עלה ובכה׃