TRV
2 מְלָכִים י״ח:א׳-ז׳
א׳
¶ ויהי בשנת שלש להושע בן אלה מלך ישראל מלך חזקיה בן אחז מלך יהודה׃
ב׳
בן עשרים וחמש שנה היה במלכו ועשרים ותשע שנה מלך בירושלם ושם אמו אבי בת זכריה׃
ג׳
ויעש הישר בעיני יהוה ככל אשר עשה דוד אביו׃
ד׳
הוא הסיר את הבמות ושבר את המצבת וכרת את האשרה וכתת נחש הנחשת אשר עשה משה כי עד הימים ההמה היו בני ישראל מקטרים לו ויקרא לו נחשתן׃
ה׳
ביהוה אלהי ישראל בטח ואחריו לא היה כמהו בכל מלכי יהודה ואשר היו לפניו׃
ו׳
וידבק ביהוה לא סר מאחריו וישמר מצותיו אשר צוה יהוה את משה׃
ז׳
והיה יהוה עמו בכל אשר יצא ישכיל וימרד במלך אשור ולא עבדו׃
Settings