TRV
1 שְׁמוּאֵל י״ז:כ״ו-ל״ב
כ״ו
ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃
כ״ז
ויאמר לו העם כדבר הזה לאמר כה יעשה לאיש אשר יכנו׃
כ״ח
וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃
כ״ט
ויאמר דוד מה עשיתי עתה הלוא דבר הוא׃
ל׳
ויסב מאצלו אל מול אחר ויאמר כדבר הזה וישבהו העם דבר כדבר הראשון׃
ל״א
וישמעו הדברים אשר דבר דוד ויגדו לפני שאול ויקחהו׃
ל״ב
ויאמר דוד אל שאול אל יפל לב אדם עליו עבדך ילך ונלחם עם הפלשתי הזה׃
Settings