TRV
1 דִּבְרֵי הַיָּמִים י״ג:א׳-ח׳
א׳
¶ ויועץ דויד עם שרי האלפים והמאות לכל נגיד׃
ב׳
ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו׃
ג׳
ונסבה את ארון אלהינו אלינו כי לא דרשנהו בימי שאול׃
ד׳
ויאמרו כל הקהל לעשות כן כי ישר הדבר בעיני כל העם׃
ה׳
ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים׃
ו׳
ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים אשר נקרא שם׃
ז׳
וירכיבו את ארון האלהים על עגלה חדשה מבית אבינדב ועזא ואחיו נהגים בעגלה׃
ח׳
ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות׃
Settings