SHIN: Salama Duk da Tsanantawa da Farin Ciki Cikin Kalma

Zabura 119:161-168

161

Masu mulki suna tsananta mini ba dalili, amma zuciyata na rawan jiki game da maganarka.

162

Ina farin ciki da alkawarinka kamar yadda wani kan sami ganima mai girma.

163

Na ƙi ina kuma ƙyamar ƙarya amma ina ƙaunar dokarka.

164

Sau bakwai a rana ina yabonka saboda dokokinka masu adalci.

165

Waɗanda suke ƙaunar dokarka suna da babban salama, kuma babu abin da zai sa su yi tuntuɓe.

166

Ina jiran cetonka, ya Ubangiji, ina kuma bin umarnanka.

167

Ina biyayya da farillanka, gama ina ƙaunarsu ƙwarai.

168

Ina biyayya da farillanka da kuma koyarwarka, gama dukan hanyoyina sanannu ne gare ka.