Mulkin Allah na har abada da alkawarinsa ga Sihiyona

12

Amma kai, ya Ubangiji, kana zaune a kursiyinka har abada; sunan da ka yi zai dawwama a dukan zamanai.

13

Za ka tashi ka kuma ji tausayin Sihiyona, gama lokaci ne na nuna alheri gare ta; ƙayyadadden lokacin ya zo.

14

Gama duwatsunta suna da daraja ga bayinka; ƙurarta kawai kan sa su ji tausayi.

15

Al’ummai za su ji tsoron sunan Ubangiji, dukan sarakunan duniya za su girmama ɗaukakarka.

16

Gama Ubangiji zai sāke gina Sihiyona ya kuma bayyana a ɗaukakarsa.

17

Zai amsa addu’ar marasa ƙarfi; ba zai ƙyale roƙonsu ba.

18

Bari a rubuta wannan don tsara mai zuwa, cewa mutanen da ba a riga an halitta ba za su yabi Ubangiji,

19

“Ubangiji ya duba ƙasa daga wurinsa mai tsarki a bisa, daga sama ya hangi duniya,

20

don yă ji nishe-nishen ’yan kurkuku yă kuma saki waɗanda aka yanke musu hukuncin mutuwa.”

21

Saboda haka za a furta sunan Ubangiji a Sihiyona yabonsa kuma a Urushalima

22

sa’ad da mutane da mulkoki suka tattaru don su yi wa Ubangiji sujada.