Hikima ta gaskiya da ake nema amma ba a samu sauƙi ba

Ayuba 28:12-19

Amma a ina ne za a iya samun hikima? Ina fahimta take zama?

Mutum bai gane muhimmancinta ba, ba a samunta a ƙasar masu rai.

Zurfi ya ce, “Ba ta wurina”; teku ya ce, “Ba ta wurina.”

Ba irin zinariyar da za tă iya sayenta, ko kuma a iya auna nauyinta da azurfa.

Ba za a iya sayenta da zinariyar Ofir, ko sauran duwatsu masu daraja ba.

Zinariya da madubi ba za su iya gwada kansu da ita ba, ba kuwa za a iya musayarta da abubuwan da aka yi da zinariya ba.

Kada ma a ce murjani da duwatsu masu walƙiya; farashin hikima ya fi na lu’ulu’ai.

Ba za a iya daidaita darajarta da duwatsun Tofaz na Kush ba, zallar zinariya ma ba tă isa ta saye ta ba.