Methusela, Lamek da Nuhu

Farawa 5:25-32

Sa’ad da Metusela ya yi shekara 187, sai ya haifi Lamek.

Bayan ya haifi Lamek, Metusela ya yi shekaru 782, ya kuma haifi waɗansu ’ya’ya maza da mata.

Gaba ɗaya dai, Metusela ya yi shekaru 969, sa’an nan ya mutu.

Sa’ad da Lamek ya yi shekara 182, sai ya haifi ɗa.

Ya ba shi suna Nuhu ya kuma ce, “Zai yi mana ta’aziyya a cikin aikinmu da wahalar hannuwanmu a ƙasar da Ubangiji ya la’anta.”

Bayan an haifi Nuhu, Lamek ya yi shekara 595, yana kuma da ’ya’ya maza da mata.

Gaba ɗaya dai, Lamek ya yi shekaru 777, sa’an nan ya mutu.

Bayan Nuhu ya yi shekara 500, sai ya haifi Shem, Ham da Yafet.