פסוקים על Urim and Thummim

10 פסוקים · 5 היבטים

פסוקי מפתח

שְׁמֹות כ״ח:ל׳
ונתת אל חשן המשפט את האורים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה תמיד׃
וַיִּקְרָא ח׳:ח׳
וישם עליו את החשן ויתן אל החשן את האורים ואת התמים׃
בְּמִדְבַּר כ״ז:כ״א
ולפני אלעזר הכהן יעמד ושאל לו במשפט האורים לפני יהוה על פיו יצאו ועל פיו יבאו הוא וכל בני ישראל אתו וכל העדה׃
דְּבָרִים ל״ג:ח׳
וללוי אמר תמיך ואוריך לאיש חסידך אשר נסיתו במסה תריבהו על מי מריבה׃
שֹׁפְטִים א׳:א׳
¶ ויהי אחרי מות יהושע וישאלו בני ישראל ביהוה לאמר מי יעלה לנו אל הכנעני בתחלה להלחם בו׃
שֹׁפְטִים כ׳:י״ח
ויקמו ויעלו בית אל וישאלו באלהים ויאמרו בני ישראל מי יעלה לנו בתחלה למלחמה עם בני בנימן ויאמר יהוה יהודה בתחלה׃
שֹׁפְטִים כ׳:כ״ג
ויעלו בני ישראל ויבכו לפני יהוה עד הערב וישאלו ביהוה לאמר האוסיף לגשת למלחמה עם בני בנימן אחי ויאמר יהוה עלו אליו׃
1 שְׁמוּאֵל כ״ח:ו׳
וישאל שאול ביהוה ולא ענהו יהוה גם בחלמות גם באורים גם בנביאם׃
עֶזְרָא ב׳:ס״ג
ויאמר התרשתא להם אשר לא יאכלו מקדש הקדשים עד עמד כהן לאורים ולתמים׃
נחמיה ז׳:ס״ה
ויאמר התרשתא להם אשר לא יאכלו מקדש הקדשים עד עמד הכהן לאורים ותומים׃