פסוקים על The Stars

ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים׃

ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים׃

ויתן אתם אלהים ברקיע השמים להאיר על הארץ׃

ויוצא אתו החוצה ויאמר הבט נא השמימה וספר הכוכבים אם תוכל לספר אתם ויאמר לו כה יהיה זרעך׃

אראנו ולא עתה אשורנו ולא קרוב דרך כוכב מיעקב וקם שבט מישראל ומחץ פאתי מואב וקרקר כל בני שת׃

ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים׃

כי ימצא בקרבך באחד שעריך אשר יהוה אלהיך נתן לך איש או אשה אשר יעשה את הרע בעיני יהוה אלהיך לעבר בריתו׃

וילך ויעבד אלהים אחרים וישתחו להם ולשמש או לירח או לכל צבא השמים אשר לא צויתי׃

והגד לך ושמעת ודרשת היטב והנה אמת נכון הדבר נעשתה התועבה הזאת בישראל׃

והוצאת את האיש ההוא או את האשה ההוא אשר עשו את הדבר הרע הזה אל שעריך את האיש או את האשה וסקלתם באבנים ומתו׃

על פי שנים עדים או שלשה עדים יומת המת לא יומת על פי עד אחד׃

יד העדים תהיה בו בראשנה להמיתו ויד כל העם באחרנה ובערת הרע מקרבך׃

מן שמים נלחמו הכוכבים ממסלותם נלחמו עם סיסרא׃

והשבית את הכמרים אשר נתנו מלכי יהודה ויקטר בבמות בערי יהודה ומסבי ירושלם ואת המקטרים לבעל לשמש ולירח ולמזלות ולכל צבא השמים׃

ואנחנו עשים במלאכה וחצים מחזיקים ברמחים מעלות השחר עד צאת הכוכבים׃

יחשכו כוכבי נשפו יקו לאור ואין ואל יראה בעפעפי שחר׃

האמר לחרס ולא יזרח ובעד כוכבים יחתם׃

עשה עש כסיל וכימה וחדרי תמן׃

הן עד ירח ולא יאהיל וכוכבים לא זכו בעיניו׃

ברן יחד כוכבי בקר ויריעו כל בני אלהים׃

התקשר מעדנות כימה או משכות כסיל תפתח׃

התציא מזרות בעתו ועיש על בניה תנחם׃

כי אראה שמיך מעשי אצבעתיך ירח וכוכבים אשר כוננתה׃

את הירח וכוכבים לממשלות בלילה כי לעולם חסדו׃

מונה מספר לכוכבים לכלם שמות יקרא׃