Sisera

17 פסוקים

פסוקים המזכירים את Sisera

שֹׁפְטִים ד׳:ב׳
וימכרם יהוה ביד יבין מלך כנען אשר מלך בחצור ושר צבאו סיסרא והוא יושב בחרשת הגוים׃
שֹׁפְטִים ד׳:ז׳
ומשכתי אליך אל נחל קישון את סיסרא שר צבא יבין ואת רכבו ואת המונו ונתתיהו בידך׃
שֹׁפְטִים ד׳:ט׳
ותאמר הלך אלך עמך אפס כי לא תהיה תפארתך על הדרך אשר אתה הולך כי ביד אשה ימכר יהוה את סיסרא ותקם דבורה ותלך עם ברק קדשה׃
שֹׁפְטִים ד׳:י״ב
ויגדו לסיסרא כי עלה ברק בן אבינעם הר תבור׃
שֹׁפְטִים ד׳:י״ג
ויזעק סיסרא את כל רכבו תשע מאות רכב ברזל ואת כל העם אשר אתו מחרשת הגוים אל נחל קישון׃
שֹׁפְטִים ד׳:י״ד
ותאמר דברה אל ברק קום כי זה היום אשר נתן יהוה את סיסרא בידך הלא יהוה יצא לפניך וירד ברק מהר תבור ועשרת אלפים איש אחריו׃
שֹׁפְטִים ד׳:ט״ו
ויהם יהוה את סיסרא ואת כל הרכב ואת כל המחנה לפי חרב לפני ברק וירד סיסרא מעל המרכבה וינס ברגליו׃
שֹׁפְטִים ד׳:ט״ז
וברק רדף אחרי הרכב ואחרי המחנה עד חרשת הגוים ויפל כל מחנה סיסרא לפי חרב לא נשאר עד אחד׃
שֹׁפְטִים ד׳:י״ז
וסיסרא נס ברגליו אל אהל יעל אשת חבר הקיני כי שלום בין יבין מלך חצור ובין בית חבר הקיני׃
שֹׁפְטִים ד׳:י״ח
ותצא יעל לקראת סיסרא ותאמר אליו סורה אדני סורה אלי אל תירא ויסר אליה האהלה ותכסהו בשמיכה׃
שֹׁפְטִים ד׳:כ״ב
והנה ברק רדף את סיסרא ותצא יעל לקראתו ותאמר לו לך ואראך את האיש אשר אתה מבקש ויבא אליה והנה סיסרא נפל מת והיתד ברקתו׃
שֹׁפְטִים ה׳:כ׳
מן שמים נלחמו הכוכבים ממסלותם נלחמו עם סיסרא׃
שֹׁפְטִים ה׳:כ״ו
ידה ליתד תשלחנה וימינה להלמות עמלים והלמה סיסרא מחקה ראשו ומחצה וחלפה רקתו׃
שֹׁפְטִים ה׳:כ״ח
בעד החלון נשקפה ותיבב אם סיסרא בעד האשנב מדוע בשש רכבו לבוא מדוע אחרו פעמי מרכבותיו׃
שֹׁפְטִים ה׳:ל׳
הלא ימצאו יחלקו שלל רחם רחמתים לראש גבר שלל צבעים לסיסרא שלל צבעים רקמה צבע רקמתים לצוארי שלל׃
1 שְׁמוּאֵל י״ב:ט׳
וישכחו את יהוה אלהיהם וימכר אתם ביד סיסרא שר צבא חצור וביד פלשתים וביד מלך מואב וילחמו בם׃
תְהִלִּים פ״ג:ט׳
עשה להם כמדין כסיסרא כיבין בנחל קישון׃