פסוקים על The Jews: Following practices of others

9 פסוקים · 158 היבטים

פסוקים על Following practices of others

דְּבָרִים י״ב:כ״ט
כי יכרית יהוה אלהיך את הגוים אשר אתה בא שמה לרשת אותם מפניך וירשת אתם וישבת בארצם׃
דְּבָרִים י״ב:ל׳
השמר לך פן תנקש אחריהם אחרי השמדם מפניך ופן תדרש לאלהיהם לאמר איכה יעבדו הגוים האלה את אלהיהם ואעשה כן גם אני׃
דְּבָרִים י״ב:ל״א
לא תעשה כן ליהוה אלהיך כי כל תועבת יהוה אשר שנא עשו לאלהיהם כי גם את בניהם ואת בנתיהם ישרפו באש לאלהיהם׃
דְּבָרִים י״ח:ט׳
כי אתה בא אל הארץ אשר יהוה אלהיך נתן לך לא תלמד לעשות כתועבת הגוים ההם׃
דְּבָרִים י״ח:י׳
לא ימצא בך מעביר בנו ובתו באש קסם קסמים מעונן ומנחש ומכשף׃
דְּבָרִים י״ח:י״א
וחבר חבר ושאל אוב וידעני ודרש אל המתים׃
דְּבָרִים י״ח:י״ב
כי תועבת יהוה כל עשה אלה ובגלל התועבת האלה יהוה אלהיך מוריש אותם מפניך׃
דְּבָרִים י״ח:י״ג
תמים תהיה עם יהוה אלהיך׃
דְּבָרִים י״ח:י״ד
כי הגוים האלה אשר אתה יורש אותם אל מעננים ואל קסמים ישמעו ואתה לא כן נתן לך יהוה אלהיך׃