פסוקים על The Ishmaelites: Gideon

15 פסוקים · 30 היבטים

פסוקים על Gideon

  1. שֹׁפְטִים ח׳:י׳

    וזבח וצלמנע בקרקר ומחניהם עמם כחמשת עשר אלף כל הנותרים מכל מחנה בני קדם והנפלים מאה ועשרים אלף איש שלף חרב׃

  2. שֹׁפְטִים ח׳:י״א

    ויעל גדעון דרך השכוני באהלים מקדם לנבח ויגבהה ויך את המחנה והמחנה היה בטח׃

  3. שֹׁפְטִים ח׳:י״ב

    וינוסו זבח וצלמנע וירדף אחריהם וילכד את שני מלכי מדין את זבח ואת צלמנע וכל המחנה החריד׃

  4. שֹׁפְטִים ח׳:י״ג

    וישב גדעון בן יואש מן המלחמה מלמעלה החרס׃

  5. שֹׁפְטִים ח׳:י״ד

    וילכד נער מאנשי סכות וישאלהו ויכתב אליו את שרי סכות ואת זקניה שבעים ושבעה איש׃

  6. שֹׁפְטִים ח׳:ט״ו

    ויבא אל אנשי סכות ויאמר הנה זבח וצלמנע אשר חרפתם אותי לאמר הכף זבח וצלמנע עתה בידך כי נתן לאנשיך היעפים לחם׃

  7. שֹׁפְטִים ח׳:ט״ז

    ויקח את זקני העיר ואת קוצי המדבר ואת הברקנים וידע בהם את אנשי סכות׃

  8. שֹׁפְטִים ח׳:י״ז

    ואת מגדל פנואל נתץ ויהרג את אנשי העיר׃

  9. שֹׁפְטִים ח׳:י״ח

    ויאמר אל זבח ואל צלמנע איפה האנשים אשר הרגתם בתבור ויאמרו כמוך כמוהם אחד כתאר בני המלך׃

  10. שֹׁפְטִים ח׳:י״ט

    ויאמר אחי בני אמי הם חי יהוה לו החיתם אותם לא הרגתי אתכם׃

  11. שֹׁפְטִים ח׳:כ׳

    ויאמר ליתר בכורו קום הרג אותם ולא שלף הנער חרבו כי ירא כי עודנו נער׃

  12. שֹׁפְטִים ח׳:כ״א

    ויאמר זבח וצלמנע קום אתה ופגע בנו כי כאיש גבורתו ויקם גדעון ויהרג את זבח ואת צלמנע ויקח את השהרנים אשר בצוארי גמליהם׃

  13. שֹׁפְטִים ח׳:כ״ב

    ויאמרו איש ישראל אל גדעון משל בנו גם אתה גם בנך גם בן בנך כי הושעתנו מיד מדין׃

  14. שֹׁפְטִים ח׳:כ״ג

    ויאמר אלהם גדעון לא אמשל אני בכם ולא ימשל בני בכם יהוה ימשל בכם׃

  15. שֹׁפְטִים ח׳:כ״ד

    ויאמר אלהם גדעון אשאלה מכם שאלה ותנו לי איש נזם שללו כי נזמי זהב להם כי ישמעאלים הם׃