פסוקים על The High Priest Christ

ומלכי צדק מלך שלם הוציא לחם ויין והוא כהן לאל עליון׃

ויברכהו ויאמר ברוך אברם לאל עליון קנה שמים וארץ׃

וברוך אל עליון אשר מגן צריך בידך ויתן לו מעשר מכל׃

והקרבת את אהרן ואת בניו אל פתח אהל מועד ורחצת אתם במים׃

והלבשת את אהרן את בגדי הקדש ומשחת אתו וקדשת אתו וכהן לי׃

ואת בניו תקריב והלבשת אתם כתנת׃

ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃

דבר אל אהרן ואל בניו לאמר כה תברכו את בני ישראל אמור להם׃

יברכך יהוה וישמרך׃

יאר יהוה פניו אליך ויחנך׃

ישא יהוה פניו אליך וישם לך שלום׃