פסוקים על The Anger of God

ויגוע כל בשר הרמש על הארץ בעוף ובבהמה ובחיה ובכל השרץ השרץ על הארץ וכל האדם׃

כל אשר נשמת רוח חיים באפיו מכל אשר בחרבה מתו׃

וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבה׃

וישכמו בבקר ויעלו אל ראש ההר לאמר הננו ועלינו אל המקום אשר אמר יהוה כי חטאנו׃

ויאמר משה למה זה אתם עברים את פי יהוה והוא לא תצלח׃

אל תעלו כי אין יהוה בקרבכם ולא תנגפו לפני איביכם׃

כי העמלקי והכנעני שם לפניכם ונפלתם בחרב כי על כן שבתם מאחרי יהוה ולא יהיה יהוה עמכם׃

ויעפלו לעלות אל ראש ההר וארון ברית יהוה ומשה לא משו מקרב המחנה׃

וירד העמלקי והכנעני הישב בהר ההוא ויכום ויכתום עד החרמה׃

מגערתך אלהי יעקב נרדם ורכב וסוס׃

אתה נורא אתה ומי יעמד לפניך מאז אפך׃

משמים השמעת דין ארץ יראה ושקטה׃

ישלח בם חרון אפו עברה וזעם וצרה משלחת מלאכי רעים׃

יפלס נתיב לאפו לא חשך ממות נפשם וחיתם לדבר הסגיר׃

ויך כל בכור במצרים ראשית אונים באהלי חם׃

אם יעזבו בניו תורתי ובמשפטי לא ילכון׃

אם חקתי יחללו ומצותי לא ישמרו׃

ופקדתי בשבט פשעם ובנגעים עונם׃

כי כלינו באפך ובחמתך נבהלנו׃

שת עונתינו לנגדך עלמנו למאור פניך׃

כי כל ימינו פנו בעברתך כלינו שנינו כמו הגה׃

פעמים רבות יצילם והמה ימרו בעצתם וימכו בעונם׃

וירא בצר להם בשמעו את רנתם׃

ויזכר להם בריתו וינחם כרב חסדו׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃