פסוקים על Restitution

אם כפר יושת עליו ונתן פדין נפשו ככל אשר יושת עליו׃

או בן יגח או בת יגח כמשפט הזה יעשה לו׃

אם עבד יגח השור או אמה כסף שלשים שקלים יתן לאדניו והשור יסקל׃

וכי יפתח איש בור או כי יכרה איש בר ולא יכסנו ונפל שמה שור או חמור׃

בעל הבור ישלם כסף ישיב לבעליו והמת יהיה לו׃

וכי יגף שור איש את שור רעהו ומת ומכרו את השור החי וחצו את כספו וגם את המת יחצון׃

או נודע כי שור נגח הוא מתמול שלשם ולא ישמרנו בעליו שלם ישלם שור תחת השור והמת יהיה לו׃

¶ כי יגנב איש שור או שה וטבחו או מכרו חמשה בקר ישלם תחת השור וארבע צאן תחת השה׃

אם במחתרת ימצא הגנב והכה ומת אין לו דמים׃

אם זרחה השמש עליו דמים לו שלם ישלם אם אין לו ונמכר בגנבתו׃

אם המצא תמצא בידו הגנבה משור עד חמור עד שה חיים שנים ישלם׃

נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו׃

או מצא אבדה וכחש בה ונשבע על שקר על אחת מכל אשר יעשה האדם לחטא בהנה׃

והיה כי יחטא ואשם והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצא׃

או מכל אשר ישבע עליו לשקר ושלם אתו בראשו וחמשתיו יסף עליו לאשר הוא לו יתננו ביום אשמתו׃

ומכה נפש בהמה ישלמנה נפש תחת נפש׃

והתודו את חטאתם אשר עשו והשיב את אשמו בראשו וחמישתו יסף עליו ונתן לאשר אשם לו׃

משיב יגע ולא יבלע כחיל תמורתו ולא יעלס׃

לא יבוזו לגנב כי יגנוב למלא נפשו כי ירעב׃

ונמצא ישלם שבעתים את כל הון ביתו יתן׃

חבל ישיב רשע גזלה ישלם בחקות החיים הלך לבלתי עשות עול חיו יחיה לא ימות׃

ויעמד זכי ויאמר אל האדון הנה אדני את מחצית נכסי אני נתן לעניים ואם עשקתי איש אשיב לו ארבעתים׃