פסוקים על Reasoning: With God

13 פסוקים · 8 היבטים

פסוקים על With God

אִיּוֹב י״ג:ג׳
אולם אני אל שדי אדבר והוכח אל אל אחפץ׃
אִיּוֹב י״ג:י״ז
שמעו שמוע מלתי ואחותי באזניכם׃
אִיּוֹב י״ג:י״ח
הנה נא ערכתי משפט ידעתי כי אני אצדק׃
אִיּוֹב י״ג:י״ט
מי הוא יריב עמדי כי עתה אחריש ואגוע׃
אִיּוֹב י״ג:כ׳
אך שתים אל תעש עמדי אז מפניך לא אסתר׃
אִיּוֹב י״ג:כ״א
כפך מעלי הרחק ואמתך אל תבעתני׃
אִיּוֹב י״ג:כ״ב
וקרא ואנכי אענה או אדבר והשיבני׃
אִיּוֹב י״ג:כ״ג
כמה לי עונות וחטאות פשעי וחטאתי הדיעני׃
אִיּוֹב י״ג:כ״ד
למה פניך תסתיר ותחשבני לאויב לך׃
אִיּוֹב י״ג:כ״ה
העלה נדף תערוץ ואת קש יבש תרדף׃
אִיּוֹב י״ג:כ״ו
כי תכתב עלי מררות ותורישני עונות נעורי׃
אִיּוֹב י״ג:כ״ז
ותשם בסד רגלי ותשמור כל ארחותי על שרשי רגלי תתחקה׃
אִיּוֹב י״ג:כ״ח
והוא כרקב יבלה כבגד אכלו עש׃