פסוקים על Olive Tree: Symbolic

12 פסוקים · 9 היבטים

פסוקים על Symbolic

זְכַרְיָה ד׳:ב׳
ויאמר אלי מה אתה ראה ויאמר ראיתי והנה מנורת זהב כלה וגלה על ראשה ושבעה נרתיה עליה שבעה ושבעה מוצקות לנרות אשר על ראשה׃
זְכַרְיָה ד׳:ג׳
ושנים זיתים עליה אחד מימין הגלה ואחד על שמאלה׃
זְכַרְיָה ד׳:ד׳
ואען ואמר אל המלאך הדבר בי לאמר מה אלה אדני׃
זְכַרְיָה ד׳:ה׳
ויען המלאך הדבר בי ויאמר אלי הלוא ידעת מה המה אלה ואמר לא אדני׃
זְכַרְיָה ד׳:ו׳
ויען ויאמר אלי לאמר זה דבר יהוה אל זרבבל לאמר לא בחיל ולא בכח כי אם ברוחי אמר יהוה צבאות׃
זְכַרְיָה ד׳:ז׳
מי אתה הר הגדול לפני זרבבל למישר והוציא את האבן הראשה תשאות חן חן לה׃
זְכַרְיָה ד׳:ח׳
ויהי דבר יהוה אלי לאמר׃
זְכַרְיָה ד׳:ט׳
ידי זרבבל יסדו הבית הזה וידיו תבצענה וידעת כי יהוה צבאות שלחני אלכם׃
זְכַרְיָה ד׳:י׳
כי מי בז ליום קטנות ושמחו וראו את האבן הבדיל ביד זרבבל שבעה אלה עיני יהוה המה משוטטים בכל הארץ׃
זְכַרְיָה ד׳:י״א
ואען ואמר אליו מה שני הזיתים האלה על ימין המנורה ועל שמאולה׃
זְכַרְיָה ד׳:י״ב
ואען שנית ואמר אליו מה שתי שבלי הזיתים אשר ביד שני צנתרות הזהב המריקים מעליהם הזהב׃
חזוֹן יוֹחָנָן י״א:ד׳
אלה הם שני הזיתים ושתי המנרות העמדים לפני אלהי הארץ׃