פסוקים על Obedience to God: Blessedness of

16 פסוקים · 45 היבטים

פסוקים על Blessedness of

  1. דְּבָרִים י״א:כ״ז

    את הברכה אשר תשמעו אל מצות יהוה אלהיכם אשר אנכי מצוה אתכם היום׃

  2. דְּבָרִים כ״ח:א׳

    ¶ והיה אם שמוע תשמע בקול יהוה אלהיך לשמר לעשות את כל מצותיו אשר אנכי מצוך היום ונתנך יהוה אלהיך עליון על כל גויי הארץ׃

  3. דְּבָרִים כ״ח:ב׳

    ובאו עליך כל הברכות האלה והשיגך כי תשמע בקול יהוה אלהיך׃

  4. דְּבָרִים כ״ח:ג׳

    ברוך אתה בעיר וברוך אתה בשדה׃

  5. דְּבָרִים כ״ח:ד׳

    ברוך פרי בטנך ופרי אדמתך ופרי בהמתך שגר אלפיך ועשתרות צאנך׃

  6. דְּבָרִים כ״ח:ה׳

    ברוך טנאך ומשארתך׃

  7. דְּבָרִים כ״ח:ו׳

    ברוך אתה בבאך וברוך אתה בצאתך׃

  8. דְּבָרִים כ״ח:ז׳

    יתן יהוה את איביך הקמים עליך נגפים לפניך בדרך אחד יצאו אליך ובשבעה דרכים ינוסו לפניך׃

  9. דְּבָרִים כ״ח:ח׳

    יצו יהוה אתך את הברכה באסמיך ובכל משלח ידך וברכך בארץ אשר יהוה אלהיך נתן לך׃

  10. דְּבָרִים כ״ח:ט׳

    יקימך יהוה לו לעם קדוש כאשר נשבע לך כי תשמר את מצות יהוה אלהיך והלכת בדרכיו׃

  11. דְּבָרִים כ״ח:י׳

    וראו כל עמי הארץ כי שם יהוה נקרא עליך ויראו ממך׃

  12. דְּבָרִים כ״ח:י״א

    והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך׃

  13. דְּבָרִים כ״ח:י״ב

    יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה׃

  14. דְּבָרִים כ״ח:י״ג

    ונתנך יהוה לראש ולא לזנב והיית רק למעלה ולא תהיה למטה כי תשמע אל מצות יהוה אלהיך אשר אנכי מצוך היום לשמר ולעשות׃

  15. הבְּשׂוֹרָה הַקְּדוֹשָׁה עַל־פִּי לוּקָס י״א:כ״ח

    והוא אמר ואף כי אשרי השמעים והשמרים את דבר האלהים׃

  16. אִגֶּרֶת יַעֲקֹב א׳:כ״ה

    אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃