פסוקים על Month

22 פסוקים · 4 היבטים

פסוקי מפתח

  1. בְּרֵאשִׁית ז׳:י״א

    בשנת שש מאות שנה לחיי נח בחדש השני בשבעה עשר יום לחדש ביום הזה נבקעו כל מעינת תהום רבה וארבת השמים נפתחו׃

  2. בְּרֵאשִׁית ח׳:ד׳

    ותנח התבה בחדש השביעי בשבעה עשר יום לחדש על הרי אררט׃

  3. 1 דִּבְרֵי הַיָּמִים כ״ז:א׳

    ¶ ובני ישראל למספרם ראשי האבות ושרי האלפים והמאות ושטריהם המשרתים את המלך לכל דבר המחלקות הבאה והיצאת חדש בחדש לכל חדשי השנה המחלקת האחת עשרים וארבעה אלף׃

  4. 1 דִּבְרֵי הַיָּמִים כ״ז:ב׳

    על המחלקת הראשונה לחדש הראשון ישבעם בן זבדיאל ועל מחלקתו עשרים וארבעה אלף׃

  5. 1 דִּבְרֵי הַיָּמִים כ״ז:ג׳

    מן בני פרץ הראש לכל שרי הצבאות לחדש הראשון׃

  6. 1 דִּבְרֵי הַיָּמִים כ״ז:ד׳

    ועל מחלקת החדש השני דודי האחוחי ומחלקתו ומקלות הנגיד ועל מחלקתו עשרים וארבעה אלף׃

  7. 1 דִּבְרֵי הַיָּמִים כ״ז:ה׳

    שר הצבא השלישי לחדש השלישי בניהו בן יהוידע הכהן ראש ועל מחלקתו עשרים וארבעה אלף׃

  8. 1 דִּבְרֵי הַיָּמִים כ״ז:ו׳

    הוא בניהו גבור השלשים ועל השלשים ומחלקתו עמיזבד בנו׃

  9. 1 דִּבְרֵי הַיָּמִים כ״ז:ז׳

    הרביעי לחדש הרביעי עשה אל אחי יואב וזבדיה בנו אחריו ועל מחלקתו עשרים וארבעה אלף׃

  10. 1 דִּבְרֵי הַיָּמִים כ״ז:ח׳

    החמישי לחדש החמישי השר שמהות היזרח ועל מחלקתו עשרים וארבעה אלף׃

  11. 1 דִּבְרֵי הַיָּמִים כ״ז:ט׳

    הששי לחדש הששי עירא בן עקש התקועי ועל מחלקתו עשרים וארבעה אלף׃

  12. 1 דִּבְרֵי הַיָּמִים כ״ז:י׳

    השביעי לחדש השביעי חלץ הפלוני מן בני אפרים ועל מחלקתו עשרים וארבעה אלף׃

  13. 1 דִּבְרֵי הַיָּמִים כ״ז:י״א

    השמיני לחדש השמיני סבכי החשתי לזרחי ועל מחלקתו עשרים וארבעה אלף׃

  14. 1 דִּבְרֵי הַיָּמִים כ״ז:י״ב

    התשיעי לחדש התשיעי אביעזר הענתתי לבנימיני ועל מחלקתו עשרים וארבעה אלף׃

  15. 1 דִּבְרֵי הַיָּמִים כ״ז:י״ג

    העשירי לחדש העשירי מהרי הנטופתי לזרחי ועל מחלקתו עשרים וארבעה אלף׃

  16. 1 דִּבְרֵי הַיָּמִים כ״ז:י״ד

    עשתי עשר לעשתי עשר החדש בניה הפרעתוני מן בני אפרים ועל מחלקתו עשרים וארבעה אלף׃

  17. 1 דִּבְרֵי הַיָּמִים כ״ז:ט״ו

    השנים עשר לשנים עשר החדש חלדי הנטופתי לעתניאל ועל מחלקתו עשרים וארבעה אלף׃

  18. עֶזְרָא י׳:ט׳

    ויקבצו כל אנשי יהודה ובנימן ירושלם לשלשת הימים הוא חדש התשיעי בעשרים בחדש וישבו כל העם ברחוב בית האלהים מרעידים על הדבר ומהגשמים׃

  19. יִרְמְיָהוּ ל״ו:ט׳

    ויהי בשנה החמשית ליהויקים בן יאשיהו מלך יהודה בחדש התשעי קראו צום לפני יהוה כל העם בירושלם וכל העם הבאים מערי יהודה בירושלם׃

  20. יִרְמְיָהוּ ל״ו:כ״ב

    והמלך יושב בית החרף בחדש התשיעי ואת האח לפניו מבערת׃

  21. זְכַרְיָה ז׳:א׳

    ¶ ויהי בשנת ארבע לדריוש המלך היה דבר יהוה אל זכריה בארבעה לחדש התשעי בכסלו׃

  22. חזוֹן יוֹחָנָן י״א:ב׳

    ואת החצר אשר לפנימה להיכל השלך חוצה ואל תמדנה כי נתנה לגוים ורמסו את העיר הקדשה ארבעים ושנים חדשים׃