פסוקים על Miriam

ותתצב אחתו מרחק לדעה מה יעשה לו׃

ותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשלח את אמתה ותקחה׃

ותפתח ותראהו את הילד והנה נער בכה ותחמל עליו ותאמר מילדי העברים זה׃

ותאמר אחתו אל בת פרעה האלך וקראתי לך אשה מינקת מן העברית ותינק לך את הילד׃

ותאמר לה בת פרעה לכי ותלך העלמה ותקרא את אם הילד׃

ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃

ותען להם מרים שירו ליהוה כי גאה גאה סוס ורכבו רמה בים׃

¶ ויבאו בני ישראל כל העדה מדבר צן בחדש הראשון וישב העם בקדש ותמת שם מרים ותקבר שם׃

זכור את אשר עשה יהוה אלהיך למרים בדרך בצאתכם ממצרים׃

כי העלתיך מארץ מצרים ומבית עבדים פדיתיך ואשלח לפניך את משה אהרן ומרים׃