פסוקים על Holy of Holies

14 פסוקים · 25 היבטים

פסוקי מפתח

  1. שְׁמֹות כ״ה:י״ח

    ועשית שנים כרבים זהב מקשה תעשה אתם משני קצות הכפרת׃

  2. שְׁמֹות כ״ה:י״ט

    ועשה כרוב אחד מקצה מזה וכרוב אחד מקצה מזה מן הכפרת תעשו את הכרבים על שני קצותיו׃

  3. שְׁמֹות כ״ה:כ׳

    והיו הכרבים פרשי כנפים למעלה סככים בכנפיהם על הכפרת ופניהם איש אל אחיו אל הכפרת יהיו פני הכרבים׃

  4. שְׁמֹות כ״ה:כ״א

    ונתת את הכפרת על הארן מלמעלה ואל הארן תתן את העדת אשר אתן אליך׃

  5. שְׁמֹות כ״ה:כ״ב

    ונועדתי לך שם ודברתי אתך מעל הכפרת מבין שני הכרבים אשר על ארן העדת את כל אשר אצוה אותך אל בני ישראל׃

  6. שְׁמֹות כ״ו:ל״א

    ועשית פרכת תכלת וארגמן ותולעת שני ושש משזר מעשה חשב יעשה אתה כרבים׃

  7. שְׁמֹות כ״ו:ל״ב

    ונתתה אתה על ארבעה עמודי שטים מצפים זהב וויהם זהב על ארבעה אדני כסף׃

  8. שְׁמֹות כ״ו:ל״ג

    ונתתה את הפרכת תחת הקרסים והבאת שמה מבית לפרכת את ארון העדות והבדילה הפרכת לכם בין הקדש ובין קדש הקדשים׃

  9. 1 מְלָכִים ו׳:כ״ג

    ויעש בדביר שני כרובים עצי שמן עשר אמות קומתו׃

  10. 1 מְלָכִים ו׳:כ״ד

    וחמש אמות כנף הכרוב האחת וחמש אמות כנף הכרוב השנית עשר אמות מקצות כנפיו ועד קצות כנפיו׃

  11. 1 מְלָכִים ו׳:כ״ה

    ועשר באמה הכרוב השני מדה אחת וקצב אחד לשני הכרבים׃

  12. 1 מְלָכִים ו׳:כ״ו

    קומת הכרוב האחד עשר באמה וכן הכרוב השני׃

  13. 1 מְלָכִים ו׳:כ״ז

    ויתן את הכרובים בתוך הבית הפנימי ויפרשו את כנפי הכרבים ותגע כנף האחד בקיר וכנף הכרוב השני נגעת בקיר השני וכנפיהם אל תוך הבית נגעת כנף אל כנף׃

  14. 1 מְלָכִים ו׳:כ״ח

    ויצף את הכרובים זהב׃