פסוקים על Gilboa

16 פסוקים · 1 היבט

פסוקי מפתח

1 שְׁמוּאֵל ל״א:א׳
¶ ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע׃
1 שְׁמוּאֵל ל״א:ב׳
וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃
1 שְׁמוּאֵל ל״א:ג׳
ותכבד המלחמה אל שאול וימצאהו המורים אנשים בקשת ויחל מאד מהמורים׃
1 שְׁמוּאֵל ל״א:ד׳
ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליה׃
1 שְׁמוּאֵל ל״א:ה׳
וירא נשא כליו כי מת שאול ויפל גם הוא על חרבו וימת עמו׃
1 שְׁמוּאֵל ל״א:ו׳
וימת שאול ושלשת בניו ונשא כליו גם כל אנשיו ביום ההוא יחדו׃
1 שְׁמוּאֵל ל״א:ז׳
ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהן׃
1 שְׁמוּאֵל ל״א:ח׳
ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבע׃
1 דִּבְרֵי הַיָּמִים י׳:א׳
¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃
1 דִּבְרֵי הַיָּמִים י׳:ב׳
וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃
1 דִּבְרֵי הַיָּמִים י׳:ג׳
ותכבד המלחמה על שאול וימצאהו המורים בקשת ויחל מן היורים׃
1 דִּבְרֵי הַיָּמִים י׳:ד׳
ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃
1 דִּבְרֵי הַיָּמִים י׳:ה׳
וירא נשא כליו כי מת שאול ויפל גם הוא על החרב וימת׃
1 דִּבְרֵי הַיָּמִים י׳:ו׳
וימת שאול ושלשת בניו וכל ביתו יחדו מתו׃
1 דִּבְרֵי הַיָּמִים י׳:ז׳
ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃
1 דִּבְרֵי הַיָּמִים י׳:ח׳
ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃