פסוקים על Eliphaz

10 פסוקים · 2 היבטים

פסוקי מפתח

בְּרֵאשִׁית ל״ו:י׳
אלה שמות בני עשו אליפז בן עדה אשת עשו רעואל בן בשמת אשת עשו׃
בְּרֵאשִׁית ל״ו:י״א
ויהיו בני אליפז תימן אומר צפו וגעתם וקנז׃
בְּרֵאשִׁית ל״ו:י״ב
ותמנע היתה פילגש לאליפז בן עשו ותלד לאליפז את עמלק אלה בני עדה אשת עשו׃
בְּרֵאשִׁית ל״ו:י״ג
ואלה בני רעואל נחת וזרח שמה ומזה אלה היו בני בשמת אשת עשו׃
בְּרֵאשִׁית ל״ו:י״ד
ואלה היו בני אהליבמה בת ענה בת צבעון אשת עשו ותלד לעשו את יעיש ואת יעלם ואת קרח׃
בְּרֵאשִׁית ל״ו:ט״ו
אלה אלופי בני עשו בני אליפז בכור עשו אלוף תימן אלוף אומר אלוף צפו אלוף קנז׃
בְּרֵאשִׁית ל״ו:ט״ז
אלוף קרח אלוף געתם אלוף עמלק אלה אלופי אליפז בארץ אדום אלה בני עדה׃
אִיּוֹב מ״ב:ז׳
ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשני רעיך כי לא דברתם אלי נכונה כעבדי איוב׃
אִיּוֹב מ״ב:ח׳
ועתה קחו לכם שבעה פרים ושבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשא לבלתי עשות עמכם נבלה כי לא דברתם אלי נכונה כעבדי איוב׃
אִיּוֹב מ״ב:ט׳
וילכו אליפז התימני ובלדד השוחי צפר הנעמתי ויעשו כאשר דבר אליהם יהוה וישא יהוה את פני איוב׃