פסוקים על Captive: Advanced to positions in state

7 פסוקים · 3 היבטים

פסוקים על Advanced to positions in state

  1. בְּרֵאשִׁית מ״א:ל״ט

    ויאמר פרעה אל יוסף אחרי הודיע אלהים אותך את כל זאת אין נבון וחכם כמוך׃

  2. בְּרֵאשִׁית מ״א:מ׳

    אתה תהיה על ביתי ועל פיך ישק כל עמי רק הכסא אגדל ממך׃

  3. בְּרֵאשִׁית מ״א:מ״א

    ויאמר פרעה אל יוסף ראה נתתי אתך על כל ארץ מצרים׃

  4. בְּרֵאשִׁית מ״א:מ״ב

    ויסר פרעה את טבעתו מעל ידו ויתן אתה על יד יוסף וילבש אתו בגדי שש וישם רבד הזהב על צוארו׃

  5. בְּרֵאשִׁית מ״א:מ״ג

    וירכב אתו במרכבת המשנה אשר לו ויקראו לפניו אברך ונתון אתו על כל ארץ מצרים׃

  6. בְּרֵאשִׁית מ״א:מ״ד

    ויאמר פרעה אל יוסף אני פרעה ובלעדיך לא ירים איש את ידו ואת רגלו בכל ארץ מצרים׃

  7. בְּרֵאשִׁית מ״א:מ״ה

    ויקרא פרעה שם יוסף צפנת פענח ויתן לו את אסנת בת פוטי פרע כהן אן לאשה ויצא יוסף על ארץ מצרים׃