פסוקים על Blood: Plague of

9 פסוקים · 36 היבטים

פסוקים על Plague of

  1. שְׁמֹות ז׳:י״ז

    כה אמר יהוה בזאת תדע כי אני יהוה הנה אנכי מכה במטה אשר בידי על המים אשר ביאר ונהפכו לדם׃

  2. שְׁמֹות ז׳:י״ח

    והדגה אשר ביאר תמות ובאש היאר ונלאו מצרים לשתות מים מן היאר׃

  3. שְׁמֹות ז׳:י״ט

    ויאמר יהוה אל משה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם ויהיו דם והיה דם בכל ארץ מצרים ובעצים ובאבנים׃

  4. שְׁמֹות ז׳:כ׳

    ויעשו כן משה ואהרן כאשר צוה יהוה וירם במטה ויך את המים אשר ביאר לעיני פרעה ולעיני עבדיו ויהפכו כל המים אשר ביאר לדם׃

  5. שְׁמֹות ז׳:כ״א

    והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצרים׃

  6. שְׁמֹות ז׳:כ״ב

    ויעשו כן חרטמי מצרים בלטיהם ויחזק לב פרעה ולא שמע אלהם כאשר דבר יהוה׃

  7. שְׁמֹות ז׳:כ״ג

    ויפן פרעה ויבא אל ביתו ולא שת לבו גם לזאת׃

  8. שְׁמֹות ז׳:כ״ד

    ויחפרו כל מצרים סביבת היאר מים לשתות כי לא יכלו לשתת ממימי היאר׃

  9. שְׁמֹות ז׳:כ״ה

    וימלא שבעת ימים אחרי הכות יהוה את היאר׃