פסוקים על Animals: Habits of

ואולם שאל נא בהמות ותרך ועוף השמים ויגד לך׃

או שיח לארץ ותרך ויספרו לך דגי הים׃

תשת חשך ויהי לילה בו תרמש כל חיתו יער׃

הכפירים שאגים לטרף ולבקש מאל אכלם׃

תזרח השמש יאספון ואל מעונתם ירבצון׃

יצא אדם לפעלו ולעבדתו עדי ערב׃

מה רבו מעשיך יהוה כלם בחכמה עשית מלאה הארץ קנינך׃

זה הים גדול ורחב ידים שם רמש ואין מספר חיות קטנות עם גדלות׃

ורבצו שם ציים ומלאו בתיהם אחים ושכנו שם בנות יענה ושעירים ירקדו שם׃

וענה איים באלמנותיו ותנים בהיכלי ענג וקרוב לבוא עתה וימיה לא ימשכו׃