פסוקים על Ananias

29 פסוקים · 3 היבטים

פסוקי מפתח

  1. מַעֲשֵׂי הַשְּׁלִיחִים ה׳:א׳

    ¶ ואיש אחד ושמו חנניה עם אשתו שפירה מכר את אחזתו׃

  2. מַעֲשֵׂי הַשְּׁלִיחִים ה׳:ב׳

    ויקח מן המחיר ויסתירהו ואשתו ידעת גם היא וחלק אחד הביא וישם לרגלי השליחים׃

  3. מַעֲשֵׂי הַשְּׁלִיחִים ה׳:ג׳

    ויאמר פטרוס חנניה למה זה מלא השטן את לבבך לשקר ברוח הקדש ולהסתיר ממחיר השדה׃

  4. מַעֲשֵׂי הַשְּׁלִיחִים ה׳:ד׳

    הלא שלך היה טרם המכרו וגם אחרי נמכר היה בידך ולמה שמת על לבבך הדבר הזה לא שקרת בבני אדם כי אם באלהים׃

  5. מַעֲשֵׂי הַשְּׁלִיחִים ה׳:ה׳

    וכשמע חנניה את הדברים האלה נפל ארצה ויגוע ותהי יראה גדולה על כל השמעים׃

  6. מַעֲשֵׂי הַשְּׁלִיחִים ה׳:ו׳

    ויקומו הצעירים ויאספו אתו וישאהו החוצה ויקברהו׃

  7. מַעֲשֵׂי הַשְּׁלִיחִים ה׳:ז׳

    ויהי כמשלש שעות ותבא אשתו והיא לא ידעה את הנעשה׃

  8. מַעֲשֵׂי הַשְּׁלִיחִים ה׳:ח׳

    ויען פטרוס ויאמר אליה אמרי לי הבמחיר הזה מכרתם את השדה ותאמר כן במחיר הזה׃

  9. מַעֲשֵׂי הַשְּׁלִיחִים ה׳:ט׳

    ויאמר פטרוס אליה למה זה נועדתם לנסות את רוח יהוה הנה בפתח רגלי המקברים את אישך ונשאו אתך החוצה׃

  10. מַעֲשֵׂי הַשְּׁלִיחִים ה׳:י׳

    ותפל פתאם לרגליו ותגוע והבחורים באו והנה מתה וישאוה החוצה ויקברוה אצל אישה׃

  11. מַעֲשֵׂי הַשְּׁלִיחִים ה׳:י״א

    ותהי יראה גדולה על כל הקהל ועל כל השמעים את אלה׃

  12. מַעֲשֵׂי הַשְּׁלִיחִים ט׳:י׳

    ותלמיד אחד היה בדמשק חנניה שמו ויאמר אליו האדון במחזה חנניה ויאמר הנני אדני׃

  13. מַעֲשֵׂי הַשְּׁלִיחִים ט׳:י״א

    ויאמר אליו האדון קום לך אל הרחוב הנקרא הישר ושאל בבית יהודה לאיש טרסי ושמו שאול כי הנה הוא מתפלל׃

  14. מַעֲשֵׂי הַשְּׁלִיחִים ט׳:י״ב

    וירא במחזה והנה איש ושמו חנניה בא החדרה ושם עליו את ידו למען ישוב ויראה׃

  15. מַעֲשֵׂי הַשְּׁלִיחִים ט׳:י״ג

    ויען חנניה ויאמר אדני שמעתי רבים מספרים על האיש הזה כמה רעות עשה לקדושיך בירושלים׃

  16. מַעֲשֵׂי הַשְּׁלִיחִים ט׳:י״ד

    וגם פה רשיון יש לו מאת ראשי הכהנים לאסר את כל הקראים בשמך׃

  17. מַעֲשֵׂי הַשְּׁלִיחִים ט׳:ט״ו

    ויאמר אליו האדון לך כי כלי חפץ הוא לי לשאת את שמי לפני גוים ומלכים ולפני בני ישראל׃

  18. מַעֲשֵׂי הַשְּׁלִיחִים ט׳:ט״ז

    כי אני אראהו כמה יש לו לסבל למען שמי׃

  19. מַעֲשֵׂי הַשְּׁלִיחִים ט׳:י״ז

    וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃

  20. מַעֲשֵׂי הַשְּׁלִיחִים ט׳:י״ח

    וכרגע נפלו מעל עיניו כמו קשקשים וישב פתאם לראות ויקם ויטבל׃

  21. מַעֲשֵׂי הַשְּׁלִיחִים כ״ב:י״ב

    ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃

  22. מַעֲשֵׂי הַשְּׁלִיחִים כ״ב:י״ג

    ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃

  23. מַעֲשֵׂי הַשְּׁלִיחִים כ״ב:י״ד

    ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

  24. מַעֲשֵׂי הַשְּׁלִיחִים כ״ב:ט״ו

    כי היו תהיה לו לעד אל כל בני האדם על כל אשר ראית ושמעת׃

  25. מַעֲשֵׂי הַשְּׁלִיחִים כ״ב:ט״ז

    ועתה למה תתמהמה קום והטבל והתרחץ מחטאתיך בקראך בשמו׃