Jeroboam

14 פסוקים · 2 בני משפחה

פסוקים המזכירים את Jeroboam

  1. 2 מְלָכִים י״ג:י״ג

    וישכב יואש עם אבתיו וירבעם ישב על כסאו ויקבר יואש בשמרון עם מלכי ישראל׃

  2. 2 מְלָכִים י״ד:ט״ז

    וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיו׃

  3. 2 מְלָכִים י״ד:כ״ג

    בשנת חמש עשרה שנה לאמציהו בן יואש מלך יהודה מלך ירבעם בן יואש מלך ישראל בשמרון ארבעים ואחת שנה׃

  4. 2 מְלָכִים י״ד:כ״ז

    ולא דבר יהוה למחות את שם ישראל מתחת השמים ויושיעם ביד ירבעם בן יואש׃

  5. 2 מְלָכִים י״ד:כ״ח

    ויתר דברי ירבעם וכל אשר עשה וגבורתו אשר נלחם ואשר השיב את דמשק ואת חמת ליהודה בישראל הלא הם כתובים על ספר דברי הימים למלכי ישראל׃

  6. 2 מְלָכִים י״ד:כ״ט

    וישכב ירבעם עם אבתיו עם מלכי ישראל וימלך זכריה בנו תחתיו׃

  7. 2 מְלָכִים ט״ו:א׳

    ¶ בשנת עשרים ושבע שנה לירבעם מלך ישראל מלך עזריה בן אמציה מלך יהודה׃

  8. 2 מְלָכִים ט״ו:ח׳

    בשנת שלשים ושמנה שנה לעזריהו מלך יהודה מלך זכריהו בן ירבעם על ישראל בשמרון ששה חדשים׃

  9. 1 דִּבְרֵי הַיָּמִים ה׳:י״ז

    כלם התיחשו בימי יותם מלך יהודה ובימי ירבעם מלך ישראל׃

  10. הוֹשֵׁעַ א׳:א׳

    ¶ דבר יהוה אשר היה אל הושע בן בארי בימי עזיה יותם אחז יחזקיה מלכי יהודה ובימי ירבעם בן יואש מלך ישראל׃

  11. עָמוֹס א׳:א׳

    ¶ דברי עמוס אשר היה בנקדים מתקוע אשר חזה על ישראל בימי עזיה מלך יהודה ובימי ירבעם בן יואש מלך ישראל שנתים לפני הרעש׃

  12. עָמוֹס ז׳:ט׳

    ונשמו במות ישחק ומקדשי ישראל יחרבו וקמתי על בית ירבעם בחרב׃

  13. עָמוֹס ז׳:י׳

    וישלח אמציה כהן בית אל אל ירבעם מלך ישראל לאמר קשר עליך עמוס בקרב בית ישראל לא תוכל הארץ להכיל את כל דבריו׃

  14. עָמוֹס ז׳:י״א

    כי כה אמר עמוס בחרב ימות ירבעם וישראל גלה יגלה מעל אדמתו׃