Zaburi97

Bwana Anatawala kwa Ukuu

1
Bwana anatawala, nchi na ifurahi, visiwa vyote vishangilie.
2
Mawingu na giza nene vinamzunguka, haki na hukumu ndio msingi wa kiti chake cha enzi.
3
Moto hutangulia mbele zake na huteketeza adui zake pande zote.
4
Umeme wake wa radi humulika dunia, nchi huona na kutetemeka.
5
Milima huyeyuka kama nta mbele za Bwana, mbele za Bwana wa dunia yote.
6
Mbingu zinatangaza haki yake, na mataifa yote huona utukufu wake.

Hukumu Juu ya Ibada ya Sanamu na Miungu

7
Wote waabuduo sanamu waaibishwa, wale wajisifiao sanamu: mwabuduni yeye, enyi miungu yote!
8
Sayuni husikia na kushangilia, vijiji vya Yuda vinafurahi kwa sababu ya hukumu zako, Ee Bwana.
9
Kwa kuwa wewe, Ee Bwana, ndiwe Uliye Juu Sana kuliko dunia yote; umetukuka sana juu ya miungu yote.

Wito wa Kupenda na Kuishi kwa Utakatifu

10
Wale wanaompenda Bwana na wauchukie uovu, kwa maana yeye hulinda maisha ya waaminifu wake na kuwaokoa kutoka mkononi mwa mwovu.
11
Nuru huangaza wenye haki na furaha kwa watu wanyofu wa moyo.
12
Furahini katika Bwana, ninyi mlio wenye haki, lisifuni jina lake takatifu.
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options