Kiswahili

Zaburi 54

Maombi ya Daudi Katika Dhiki 1–3

1
Kwa mwimbishaji. Na ala za nyuzi za uimbaji. Utenzi wa Daudi. Wakati Wazifu walimwendea Sauli na kumjulisha, “Je, Daudi hajifichi miongoni mwetu?” Ee Mungu uniokoe kwa jina lako, unifanyie hukumu kwa uwezo wako.
2
Ee Mungu, sikia maombi yangu, usikilize maneno ya kinywa changu.
3
Wageni wananishambulia, watu wakatili wanayatafuta maisha yangu, watu wasiomjali Mungu.

Uhakikisho wa Msaada wa Mungu 4–5

4
Hakika Mungu ni msaada wangu, Bwana ndiye anayenitegemeza.
5
Mabaya na yawarudie wale wanaonisingizia, kwa uaminifu wako uwaangamize.

Nadhiri ya Sifa na Shukrani 6–7

6
Nitakutolea dhabihu za hiari; Ee Bwana, nitalisifu jina lako kwa kuwa ni vyema.
7
Kwa maana ameniokoa katika shida zangu zote, na macho yangu yamewatazama adui zangu kwa ushindi.

Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.