Psalmet8

Emri dhe lavdia e shkëlqyer e Perëndisë

1
Sa i mrekullueshëm është emri yt mbi gjithë rruzullin, o Zot, Zoti ynë, që vure madhështinë tënde mbi qiejtë!
2
Nga goja e të vegjëlve dhe foshnjave në gji ke vendosur lëvdimin për shkak të armiqve të tu, për t'i mbyllur gojën armikut dhe hakmarrësit.

Meditim mbi qiejt

3
Kur mendoj qiejtë e tu, që janë vepër e gishtërinjve të tu, hënën dhe yjet që ti ke vendosur,
4
çfarë është njeriu, që ta mbash mend, dhe biri i njeriut, që ta vizitosh?

Pozita e lartësuar dhe sundimi i njerëzimit

5
Megjithatë ti e bëre pak më të ulët se Perëndia, dhe e kurorëzove me lavdi dhe me nder.
6
E bëre të mbretërojë mbi veprat e duarve të tua dhe vure çdo gjë nën këmbët e tij!
7
Dhentë dhe bagëtitë e tjera, madje bishat e egra,
8
zogjtë e qiellit dhe peshqit e detit, tërë ato që kalojnë nëpër shtigjet e detit.

Përfundim: lavdërim i përtërirë

9
O Zot, Zoti ynë, sa i mrekullueshëm është emri yt në të gjithë dheun!
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options