Creation Era

Creation & The Fall

God creates the heavens and earth, forming humanity in his image before sin enters the world.

138 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 1:1rreth 4004 p.e.s.

    Në fillim Perëndia krijoi qiejt dhe tokën.

  2. Zanafilla 1:2rreth 4004 p.e.s.

    Toka ishte pa trajtë, e zbrazët dhe errësira mbulonte sipërfaqen e humnerës; dhe Fryma e Perëndisë fluturonte mbi sipërfaqen e ujërave.

  3. Zanafilla 1:3rreth 4004 p.e.s.

    Pastaj Perëndia tha: "U bëftë drita!". Dhe drita u bë.

  4. Zanafilla 1:4rreth 4004 p.e.s.

    Dhe Perëndia pa që drita ishte e mirë; dhe Perëndia e ndau dritën nga errësira.

  5. Zanafilla 1:5rreth 4004 p.e.s.

    Dhe Perëndia e quajti dritën "ditë" dhe errësirën "natë". Kështu erdhi mbrëmja e pastaj erdhi mëngjesi: dita e parë.

  6. Zanafilla 1:6rreth 4004 p.e.s.

    Pastaj Perëndia tha: "Le të jetë një kupë qiellore mes ujërave, që t'i ndajë ujërat nga ujërat".

  7. Zanafilla 1:7rreth 4004 p.e.s.

    Dhe Perëndia krijoi kupën qiellore dhe ndau ujërat që ishin poshtë saj nga ujërat që ishin sipër saj. Dhe kështu u bë.

  8. Zanafilla 1:8rreth 4004 p.e.s.

    Dhe Perëndia e quajti kupën qiellore "qiell". Kështu erdhi mbrëmja, pastaj erdhi mëngjesi: dita e dytë.

  9. Zanafilla 1:9rreth 4004 p.e.s.

    Pastaj Perëndia tha: "Ujërat që janë nën qiellin të grumbullohen në një vend të vetëm dhe të shfaqet tera". Dhe kështu u bë.

  10. Zanafilla 1:10rreth 4004 p.e.s.

    Dhe Perëndia e quajti terën "tokë" dhe grumbullimin e ujërave "detë". Dhe Perëndia pa që kjo ishte mirë.

  11. Zanafilla 1:11rreth 4004 p.e.s.

    Pastaj Perëndia tha: "Të mbijë toka gjelbërimin, barërat të nxjerrin farë dhe drurët frutore të japin në tokë një frut që të përmbajë farën e tij, secili simbas llojit të tij". Dhe kështu u bë.

  12. Zanafilla 1:12rreth 4004 p.e.s.

    Dhe toka prodhoi gjelbërim, barëra që e bënin farën simbas llojit të tyre dhe drurë që mbanin fruta me farën e tyre brenda, secili simbas llojit të vet. Dhe Perëndia e pa se kjo ishte mirë.

  13. Zanafilla 1:13rreth 4004 p.e.s.

    Kështu erdhi mbrëmja, pastaj erdhi mëngjesi; dita e tretë.

  14. Zanafilla 1:14rreth 4004 p.e.s.

    Pastaj Perëndia tha: "Të ketë ndriçues në kupën qiellore për të ndarë ditën nga nata; dhe të shërbejnë si shenja, për të dalluar stinët, ditët dhe vitet;

  15. Zanafilla 1:15rreth 4004 p.e.s.

    dhe të shërbejnë si ndriçues në kupën qiellore për të ndriçuar tokën". Dhe kështu u bë.

  16. Zanafilla 1:16rreth 4004 p.e.s.

    Perëndia krijoi pastaj dy ndriçues të mëdhenj: ndriçuesin e madhë për qeverisjen e ditës dhe ndriçuesin e vogël për qeverisjen e natës; ai krijoi gjithashtu yjet.

  17. Zanafilla 1:17rreth 4004 p.e.s.

    Dhe Perëndia i vendosi në kupën qiellore për të ndriçuar tokën,

  18. Zanafilla 1:18rreth 4004 p.e.s.

    për të qeverisur ditën dhe natën dhe për ta ndarë dritën nga errësira. Dhe Perëndia e pa që kjo ishte mirë.

  19. Zanafilla 1:19rreth 4004 p.e.s.

    Kështu erdhi mbrëmja dhe erdhi mëngjesi: dita e katërt.

  20. Zanafilla 1:20rreth 4004 p.e.s.

    Pastaj Perëndia tha: "Të mbushen ujërat nga një numër i madh qeniesh të gjalla dhe të fluturojnë zogjtë lart mbi tokë nëpër hapësirën e madhe të kupës qiellore".

  21. Zanafilla 1:21rreth 4004 p.e.s.

    Kështu Perëndia krijoi kafshët e mëdha ujore dhe të gjitha gjallesat që lëvizin dhe që mbushin ujërat, secili simbas llojit të vet, e çdo shpend fluturues simbas llojit të vet. Dhe Perëndia e pa se kjo ishte mirë.

  22. Zanafilla 1:22rreth 4004 p.e.s.

    Dhe Perëndia i bekoi duke thënë: "Të jeni të frytshëm, shumëzoni dhe mbushni ujërat e deteve, e zogjtë të shumëzohen mbi tokë".

  23. Zanafilla 1:23rreth 4004 p.e.s.

    Kështu erdhi mbrëmja dhe pastaj mëngjesi: dita e pestë.

  24. Zanafilla 1:24rreth 4004 p.e.s.

    Pastaj Perëndia tha: "Të prodhojë toka qenie të gjalla sipas llojit të tyre: kafshë, rrëshqanorë dhe bisha të tokës, simbas llojit të tyre". Dhe kështu u bë.

  25. Zanafilla 1:25rreth 4004 p.e.s.

    Dhe Perëndia bëri egërsirat e tokës sipas llojit të tyre, kafshët simbas llojit të tyre dhe të gjithë rrëshqanorët e tokës simbas llojit të tyre. Dhe Perëndia e pa që kjo ishte mirë.